Mikil efling íþróttastarfs
Starfshópur um stöðu og réttindi afreksíþróttafólks skilar brátt tillögum sínum til mennta- og barnamálaráðherra. Áformin um stóreflingu afreksíþróttastarfs verða kynnt á opnum kynningarfundi á morgun, þriðjudaginn 30. apríl kl. 16:00 í Laugardalshöll og í streymi.
Að lokinni kynningu á niðurstöðunum verða pallborðsumræðar meðal fundargesta og bakhjarlanna sem standa að framkvæmdinni annars vegar og íþróttafólks og þjálfara sem aðgerðirnar beinast að hins vegar. Boðið verður upp á kaffiveitingar að fundi loknum.
Dagskrá:
• Bjarni Benediktsson, forsætisráðherra
• Sigurður Ingi Jóhannsson, fjármálaráðherra
• Ásmundur Einar Daðason, mennta- og barnamálaráðherra
• Vésteinn Hafsteinsson, afreksstjóri ÍSÍ kynnir niðurstöður skýrslunnar
• Pallborðsumræður
Fundurinn er öllum opinn en nauðsynlegt er að skrá sig. Mennta- og barnamálaráðuneytið hvetur öll áhugasöm um árangur og afreksstarf til að mæta.
Mikilvægt er að skrá sig á viðburðinn. Hægt er að velja á milli þess að mæta á kynninguna og fylgjast með henni í beinu streymi.
Mennta- og barnamálaráðuneytið og Íþrótta- og Ólympíusamband Íslands (ÍSÍ) skrifuðu í byrjun síðasta árs undir samstarfssamning um stefnumörkun og uppbyggingu afreksíþróttastarfs á Íslandi. Vésteinn Hafsteinsson, afreksíþróttamaður og -þjálfari, var ráðinn til mennta- og barnamálaráðuneytisins til að leiða umbótastarfið sem formaður starfshópsins og móta breytingar með stjórnvöldum, auk þess og fylgja þeim eftir í framkvæmd. Hann var samhliða ráðinn sem afreksstjóri ÍSÍ.