Samdi vísu um tjaldbúðirnar

Philip Vogler á Egilsstöðum hefur samið skemmtilega vísu um Unglingalandsmót UMFÍ og tjaldbúðir sambandsaðila í bænum.

Tjaldbúðirnar eru geysistórar og stúkaðar niður eftir sambandsaðilum. Mikil og góð stemning ríkir á meðal gesta á tjaldsvæðinu og ungmennafélagsandinn sterkur þar. Myndin hér að ofan var tekin um hádegisbil og hefur gestunum fjölgað mikið síðan þá.

Vísa Philips er svohljóðandi:

Tjald upp setja, tjasla og laga,
Tekur vindur á í haga.
Sofa vel með mat í maga,
Mæta þá með bros og aga.

Hér má sjá fleiri myndir sem teknar voru af þátttakendum og fjölskyldum þeirra ná í mótsgögn í mótsstjórn í Egilsstaðaskóla.