Komdu og vertu með á Landsmóti 50+
Landsmót UMFÍ 50+ er blanda af íþróttakeppni og annarri keppni, hreyfingu og því að fá fólk á besta aldri til að hafa gaman saman. Mótið er öllum opið sem verða 50 ára á árinu og eldri. Þátttakendur þurfa ekki að vera skráðir í íþróttafélag, allir geta tekið þátt og á sínum forsendum. Komdu og vertu með!
Landsmót 2024
Landsmót UMFÍ 50+ fór fram dagana 6. - 9. júní 2024 í Vogum á Vatnsleysuströnd í samstarfi við Ungmennafélagið Þrótt og Sveitarfélagið Voga. Næsta mót fer fram á Siglufirði og Ólafsfirði sumarið 2025.
Kaupa miða á matar- og skemmtikvöld
Smelltu hér til að kaupa allt að fjóra miða á matar- og skemmtikvöld! Hver miði kostar 5.400 kr. Skráningafrestur er liðinn á mótið. Ekki þarf að skrá sig sérstaklega til þess að taka þátt í opnum greinum, bara mæta og hafa gaman! Ef þú ert með spurningu er hægt að senda tölvupóst á netfangið umfi@umfi.is.
Fréttir af Landsmóti UMFÍ 50+ 2024
30. júlí 2024
Hvar verða mótin árið 2026?
Nú gefst sambandsaðilum UMFÍ og sveitarfélögum tækifæri til að setjast yfir plön til næstu tveggja ára og pæla í því að halda Unglingalandsmót UMFÍ og Landsmót UMFÍ 50+ árið 2026.
08. júní 2024
Áhorfendur átu verðlaunakökurnar
Áhorfendur gengu á lyktina í keppni í pönnukökubakstri á Landsmóti UMFÍ 50+ sem fram fer í Vogum á Vatnsleysuströnd um helgina. Áhorfendur fengu að smakka á pönnukökunum að keppni lokinni.
07. júní 2024
101 árs sýndi línudans á landsmóti
Gunnar Jónsson, þátttakandi í línudansi á Landsmóti UMFÍ 50+ er sönnun þess að hreyfing bætir árum við lífið og gleði við árin. Gunnar byrjaði í líkamsrækt eftir nírætt og er nýorðinn 101 árs.
