Fara á efnissvæði

Landsmót UMFÍ 50+

Upplýsingar

Landsmót UMFÍ 50+ er blanda af íþróttakeppni og annarri keppni, hreyfingu og því að fá fólk á besta aldri til að hafa gaman saman.

Mótið verður haldið í Vogum á Vatnsleysuströnd dagana 7. - 9. júní og er það opið öllum sem verða 50 ára á árinu og eldri. Einnig verða í boði greinar fyrir yngri þátttakendur. Þátttakendur þurfa ekki að vera skráðir í íþróttafélag, allir geta tekið þátt og á sínum forsendum.

Mótsgjald

Þátttökugjald er 5.500 kr.

Mótsstaður

Mótið verður haldið í Vogum á Vatnsleysuströnd dagana 7. – 9. júní 2024 í samstarfi við Ungmennafélagið  Þrótt Vogum og Sveitarfélagið Voga.

Mótssvæði

Mótið fer fram á tiltölulega litlu svæði sem er í hjarta bæjarins. Íþróttavöllur, golfvöllur, sundlaug og íþróttahús er allt í göngufæri. Íþróttamannvirkin eru í góðu ástandi og bjóða upp á ýmsa skemmtilega möguleika.

Dagskrá

Mótið hefst á föstudagsmorgni og verður keppt fram eftir degi. Laugardagurin er stóri keppnisdagurinn en þá verða fjölmargar greinar í gangi. Landsmóti UMFÍ 50+ lýkur síðan um miðjan sunnudag.

Unnið er að dagskrá mótsins.

Keppnisgreinar

Keppt verður í allskonar greinum - en svo eru allir velkomnir að koma og prófa og taka þátt. 

Greinar mótsins eru:
Biatholon - Boccía - Borðtennis - Bridds - Frisbígolf - Frjálsar íþróttir - Golf - Strandarhlaup - Hjólreiðar - Línudans - Petanque - Pílukast - Pútt - Pönnukökubakstur - Ringó - Skák - Stígvélakast - Sund.

Tjaldsvæði

Tjaldsvæði er afskaplega vel staðsett, nálægt íþróttahúsinu og þaðan er göngufæri í flestar keppnisgreinar.

Mótsstjórn

Mótsstjórn verður íþróttahúsinu. Þar verður tekið á móti mótsgestum og þar fá þeir mótsgögn afhent. Við stöndum vaktina í mótsstjórninni og verðum þar til að svara spurningum en einhverjar vakna.

Nánari upplýsingar

Framkvæmdastjóri mótsins er Ómar Bragi Stefánsson. Netfang omar@umfi.is Sími 8981095

Skrá mig á Landsmót UMFÍ 50+

Opnað verður fyrir skráningu í maí.

Smelltu hér til þess að skrá þig!