14. maí 2025
Ertu búin/n að skila inn umsókn í Hvatasjóð?
Minnt er á að opið er fyrir umsóknir í Hvatasjóð íþróttahreyfingarinnar.
Hvatasjóðurinn styrkir verkefni sem stuðla að útbreiðslu íþróttastarfs og þátttöku allra barna, með sérstakri áherslu á börn með fatlanir, frá tekjulægri heimilum og með fjölbreyttan menningar- og tungumálabakgrunn.
Þetta er nýr sjóður sem settur var á laggirnar og opnað fyrir umsóknir í hann í fyrsta sinn í byrjun árs. Fyrir skemmstu var opnað fyrir umsóknir í hann í annað sinn á árinu og rennur frestur út til að senda inn umsókn í sjóðinn á miðnætti 20. maí næstkomandi.
Rétt til að sækja um styrki hafa:
- íþróttahéruð innan ÍSÍ og UMFÍ,
- íþróttafélög og deildir þeirra og
- sérsambönd í samstarfi við hérað, félög eða deildir.
Hvatasjóðurinn er nýr sjóður á vegum ÍSÍ og UMFÍ með stuðningi frá Mennta- og barnamálaráðuneyti.
Allar upplýsingar og umsóknarform má finna hér að neðan: