Öllum flokkum
28. október 2026
Frístundastyrkir eiga að jafna tækifæri barna
Frístundastyrkir sveitarfélaga eiga að tryggja að öll börn geti tekið þátt í íþróttum og tómstundastarfi óháð efnahag og aðstæðum. Ný skýrsla um fátækt barna bendir til að styrkirnir, sem eru misháir eftir sveitarfélögum, dugi ekki alltaf til að tryggja jafnan aðgang. Niðurstöður skýrslunnar verða kynntar á málþingi um fátækt barna.
28. október 2026
Ertu búin/n að senda umsókn í Fræðslu- og verkefnasjóð?
Við minnum fólk á að enn er opið fyrir innsendingu umsókna í Fræðslu- og verkefnasjóð UMFÍ. En það fer að styttast í lokafrest. Umsóknarfrestur er til og með 1. nóvember eða fram að miðnætti á sunnudagskvöld.
22. október 2026
Rakel ný í Skólabúðum UMFÍ
„Það er sannur heiður að fá þetta starf. Ég fór sjálf í skólabúðirnar á sínum tíma og það var ótrúlega gaman,“ segir Rakel Ósk Ólafsdóttir. Hún var á dögunum ráðin í starf verkefnastjóra Skólabúða UMFÍ á Reykjum í Hrútafirði. Hún kemur til starfa um áramótin.
15. október 2026
Farþjálfarinn kominn í loftið
Farþjálfarinn, nýtt verkefni Svæðisstöðva íþróttahéraða, er komið í loftið. Verkefnið tengir saman íþróttafélög og þjálfara sem bjóða upp á farþjálfun. UMFÍ hvetur íþróttahéruð og félög til að kynna verkefnið fyrir sínum þjálfurum.
13. október 2026
Skráðum iðkunum fjölgar um 5,8%
Íþróttastarf innan hreyfingarinnar heldur áfram að vaxa. Samkvæmt nýjum tölum ÍSÍ og UMFÍ fyrir starfsárið 2025 voru skráðar iðkanir 191.982, sem er fjölgun um 10.572 frá fyrra ári eða 5,8%. Tölurnar byggja á skýrslum 507 íþróttafélaga innan 25 íþróttahéraða og 34 sérsambanda.
12. október 2026
Hvetja stjórnvöld til að tryggja stuðning við svæðisstöðvar
Sambandsráðsfundur UMFÍ hvetur stjórnvöld til að tryggja áframhaldandi stuðning við uppbyggingu svæðisbundinnar stoðþjónustu við íþrótta- og ungmennastarf um land allt. Undir ályktunina rita stjórn UMFÍ og formenn íþróttahéraða.
12. október 2026
Mikilvægt að íþróttahreyfingin móti sameiginlega framtíðarsýn
Fádæma góður fjöldi mætti á 46. Sambandsráðsfund UMFÍ sem fram fór á Ísafirði á laugardag. Willum Þór Þórsson, forseti ÍSÍ, var á meðal gesta fundarins. Hann flutti ávarp og ræddi um fjármögnun og áskoranir og lagði áherslu á mikilvægi þess að íþróttahreyfingin móti sameiginlega framtíðarsýn.
11. október 2026
Fengu Hvatningarverðlaun fyrir fjölbreytt verkefni
Hvatningarverðlaun UMFÍ voru afhent á sambandsráðsfundi UMFÍ í gær. Fern íþrótta- og ungmennafélög hlutu þau fyrir verkefni á borð við samstarfsverkefni íþróttahéraða, áherslur í forvörnum, sameiningu íþróttafélaga til að fjölga tækifærum barna með fötlun í íþróttastarfi og samþættingu skóla og frístundar barna.
10. október 2026
Formaður UMFÍ: Róum í sömu átt
Samstaða og samvinna voru rauði þráðurinn í ræðu Jóhanns Steinars, formanns UMFÍ, við setningu 46. sambandsráðsfundar UMFÍ sem fram fór á Ísafirði í dag, sem er starfssvæði Héraðssambands Vestfjarða (HSV). Aldrei hefur verið jafn góð mæting á fundinn en fulltrúar allra íþróttahéraða landsins mættu á hann.