Öllum flokkum
11. febrúar 2021
Sema hjá Æskulýðsvettvanginum: Mæta ofbeldi með fræðslu
„Stundum greina börn frá ofbeldi og þá skiptir sköpum að rétt sé brugðist við, annars er hætta á að barnið vilji ekki segja aftur frá,“ segir Sema Erla Serdar hjá Æskulýðsvettvanginum. 112-Dagurinn er í dag en þar er sjónum beint að öryggi og velferð barna og ungmenna.
10. febrúar 2021
Ásmundur Einar heimsækir þjónustumiðstöð UMFÍ
Ásmundur Einar Daðason, félags- og barnamálaráðherra, og Sóley Ragnarsdóttir, aðstoðarmaður ráðherra, heimsóttu þjónustumiðstöð UMFÍ í Reykjavík í dag. Þar var að sjálfsögðu brugðið á leik í tilefni dagsins auk þess að ræða um eitt og annað sem tengist íþróttum.
09. febrúar 2021
Félagsmálaráðuneytið styður alla sem vilja vera með
„Við styðjum allt sem skilar sér beint út í grasrótarstarfið. Þjálfari sem þarf aðstoðarþjálfara fyrir iðkanda með sérþarfir getur sótt um styrk og líka allir aðrir sem eru með góðar hugmyndir,“ segir Anna Karólína Vilhjálmsdóttir, framkvæmdastjóri þróunarsviðs Íþróttasambands fatlaðra.
08. febrúar 2021
Dagatal um COVID-faraldurinn
COVID-faraldurinn hefur sett mark sitt á íþróttastarf í ár. Vinnumálastofnun opnaði nýverið fyrir umsóknir fyrir endurgreiðslu launakostnaðar og verktakagreiðslna til að draga úr neikvæðum áhrifum á íþróttastarfið vegna faraldursins. Hér eru dagsetningar til að styðjast við í umsóknarferlinu.
08. febrúar 2021
Nemendur við Grundaskóla fengu loksins verðlaunin frá í fyrra
Auður Inga Þorsteinsdóttir, framkvæmdastjóri UMFÍ, afhenti í morgun nemendum við Grundaskóla á Akranesi ávísun upp á 50.000 krónur sem skólinn hlaut í brenniboltaáskorun Hreyfiviku UMFÍ og Kristals í í fyrra. Stefnt er að því að gefa ÍA ávísunina til að gera fleirum kleift að stunda íþróttir.
05. febrúar 2021
Ráðherra semur við Rafíþróttasamtökin um þjálfaranámskeið í rafíþróttum
Ásmundur Einar Daðason, félags- og barnamálaráðherra, hefur undirritað samning við Rafíþróttasamtök Íslands um þjálfaranámskeið í rafíþróttum fyrir fólk í atvinnuleit. Um 20 rafíþróttadeildir hafa verið stofnaðar hjá fjölda íþrótta- og ungmennafélaga síðustu misserin.
02. febrúar 2021
Birta hjá ÍBR: Við viljum fá ofbeldið upp á yfirborðið
„Fatlað íþróttafólk eru oftar þolendur kynferðislegs ofbeldis og áreitni en aðrir. Líka hinsegin og kynsegin íþróttafólk, fólk af erlendum uppruna og afreksíþróttafólk,“ segir Birta Björnsdóttir hjá ÍBR. Hún verður með erindi um ofbeldi og áreitni á RIG-ráðstefnu fimmtudaginn 4. febrúar.
29. janúar 2021
Allir geta tekið þátt í að móta nýja Æskulýðsstefnu
Drög að nýrri Æskulýðsstefnu hafa verið birt í samráðsgátt stjórnvalda. Allir geta tekið þátt í mótun stefnunnar. Tilefni stefnumótunarinnar er aukin krafa um gæði og öryggi í skipulögðu félags- og tómstundastarfi. UMFÍ mælir með að sem flestir sambandsaðilar taki þátt í mótun hennar.
29. janúar 2021
Opnað fyrir umsóknir um endurgreiðslu íþróttafélaga
Vinnumálastofnun hefur opnað fyrir umsóknir vegna endurgreiðslu launakostnaðar og verktakagreiðslna á tímum kórónuveirufaraldurs. UMFÍ hvetur sambandsaðila og aðildarfélög þeirra til að kynna sér málið og nýta sér úrræðið enda er markmið endurgreiðslunnar að draga úr röskun á íþróttastarfi.